.بتجيلنا طول الوقت دايماً أسئلة عن الفروقات بين موديلات أجهزة الواكوم، والحقيقه إن فعلاً الشركة بتطرح موديلات كتير في نفس الفئه تقريباً باختلافات بسيطه جداً، عشان كده في الموضوع ده هنشرح أهم الفروقات بين الموديلات وترشيحات لمين ممكن يكون الموديل ده موجه ليه مع ملاحظة إننا هنكتفي هنا بعرض الموديلات المتواجده حالياً في السوق والي لازال بيتم إنتاجها من الشركة عشان منتوسعش زياده عن اللازم. في البداية ممكن نقول ايه هي أنواع او فئات اجهزة Wacom وبعد كده نبدأ ناخد كل فئة من الفئات لوحدها ونشرحها ونشرح الفروقات بين موديلاتها. .

.

.

.

أولاً (One By Wacom)

.

ملحوظة : تقدر تدوس على اسم الموديل وهينقلك مباشرة لصفحة بيع المنتج على الويبسايت بتاعنا عشان تشوف سعره حالياً

.

الموديل ده هو واحد من أجدد إصدارات الشركه وهو الإصدار الي أصدرتها الشركة وهو يعتبر التابلت الإقتصادي من الشركة والي بتحاول بيه تقلل فرق السعر بين منتجاتها ومنتجات الشركات الصينية المنافسة. وحالياً في 3 أجهزة جوا الفئة دي.

.

الفروقات بين الموديلين الصغير والمتوسط هي فروقات الحجم فقط وموضحة في الجدول التالي :-

.

.

احنا شايفين إن الموديلين دول مناسبين جداً للمدرسين ولأي حد حابب يجرب لاول مرة فكرة إستخدام الجرافيك تابلت سواء في التدريس او في الرسم او في الديزاين، مش معنى كده إن الموديل ده ضعيف أو مش كويس، بالعكس تماماً تقدر بسهوله جداً حتى لو انت محترف تستخدم الموديلات دي وطلع بيها تصميمات أكتر من رائعة لكن هتفتقد حاجات زي حساسية القلم العاليه وكمان زراير الإختصارات الي ممكن تسرع وتسهل تجربة الرسم بالتابلت.

الفرق الوحيد بين المودلين هو الحجم وده بيرجع لتفضيلاتك الشخصية.

.

.

ثانياً (Wacom Intuos)

.

ملحوظة : تقدر تدوس على اسم الموديل وهينقلك مباشرة لصفحة بيع المنتج على الويبسايت بتاعنا عشان تشوف سعره حالياً.

.

الفئة دي هي أكثر الفئات إنتشاراً وأشهر منتجات الشركة على الإطلاق، والسبب هي إنها بتقدم أسعار متوسطه وموصفات اعلى من الفئة الي قبلها، وده برضو من أكتر الأجهزة الي بنرشحها للناس بموديلاته المختلفة وتفصيلها كالتالي.

.

.

الفروقات التفصيليه بين الموديلات دي موضحة في الجدول التالي:-

.

.

.

احنا دايماً ومباشرة بنرشح أجهزة واكوم intuos لكل الطلاب الي بيبدأو دراسة او كورسات في مجالات الجرافيك ديزاين والعماره وغيرها، أي حد بيبدأ رحلة تعلم التصميم وهيتطور ويتعلم تدريجياً ف واكوم إنتوس هيكون مناسب جداً جداً، كمان بنرشح الجهاز ده للمحترفين الي ميزانيتهم حالياً محدودة لانه برضو هيكون مرضي ليهم جداً،

الحجم الصغير بيكون مرضي جداً في معظم الاوقات لكن للأشخاص الي بتفضل تابلت حجمه كبير شويه فبنرشح الحجم المتوسط.

.

ثالثاً (Wacom Intuos Pro)

.

ملحوظة : تقدر تدوس على اسم الموديل وهينقلك مباشرة لصفحة بيع المنتج على الويبسايت بتاعنا عشان تشوف سعره حالياً.

.

من الإسم واضح إن الفئة دي موجهة للمحترفين لأنها مليانه بالمواصفات الي المصصممين المحترفين بيحتاجوها من غير ما تضحي بالوزن الخفيف وسهولة الحركة، وفئة ال intuos Pro هي الفئة المفضلة او المثالية لأي حد ميزانيته تسمح بيها، لأن سعرها لسه يعتبر معقول خصوصاً لو قارنتها بالأجهزة في الفئات الاعلى ومواصفاتها أعلى بشكل ملحوظ من الفئات الأقل.

الفئة دي بتيجي في تلات موديلات رئيسية كالتالي.

.

.

.

المواصفات التفصيليه للموديلات دي موضحة في الجدول التالي:-

.

.

.

بشكل عام احنا بنرشح أجهزة Intuos Pro لأي حد بيشتغل فعلياً في مجال الجرافيك ديزاين ولكل الخريجين من كليات المتخصصة فالمجال ده، وكمان بنرشحه في أوقات كتير للطلاب الي في بداية الدراسه لو كانو في كليات متخصصه وهيستمروا في المجال ده لفتره طويله طبعاً بشرط إن يكون الميزانيه تسمح بشراء واحد من الأجهزه دي خصوصاً وان اسعارها بتبتدأ من فوق ال 4500 جنيه. أما بالنسبه للحجم فبيرجع طبعاً لراحة كل مصمم لكن في حالة كان الشخص بيتحرك كتير بالجهاز زي الطلاب فبننصح بالبعد خالص الموديل الكبير وبنفضل الموديلين الصغير طبعاً او المتوسط.

.

.

رابعاً (Wacom Cintiq)

.

.

ملحوظة : تقدر تدوس على اسم الموديل وهينقلك مباشرة لصفحة بيع المنتج على الويبسايت بتاعنا عشان تشوف سعره حالياً

.

هنا هي اول فئة بتظهر فيها أجهزة واكوم الي فيها شاشه مش بس تابلت وهي فئتينCintiq و Cintiq Pro، طبعاً الجهاز بيكون برضو عباره عن ملحق بجهاز الكومبيوتر الخاص بالمصمم ومش تابلت مستقل بذاته، يعني هو مجرد شاشة بدقة الوان عليه ووطبعاً باستخدام القلم الخاص بالجهاز بيكون الرسم مباشرة على الشاشه دي بدل ما تكون عينك في مكان والقلم في مكان تاني زي الحال في كل الأجهزه الي عرضناها فوق. .زي ماقولنا هنضيف للموديلات هنا موديل واحد بس مش من فئة ال cintiq ولكنه برضو بيجي بشاشه وهو الموديل التالت في اجهزة One by Wacom. وتفاصيل الموديلات كالتالي:-

.

المواصفات التفصيليه للموديلات دي موضحة في الجدول التالي:-

.

.

.

.

المصممين المحترفين بشكل عام هم الي ممكن يكونوا مهتمين بأجهزة واكوم الي فيها شاشات، ومش بالضروره كمان إنها تكون مناسبة لأي مصمم محترف، كتير من الوقت بنفضل وبنرشح الأجهزه الي بدون شاشات لأنها عمليه اكتر وخفيفه وسريعه، في الحالات الي المصمم بيكون محتاج يشوف الرسمه والقلم في نفس الوقت بس ممكن يكون أجهزة التابلت الي بشاشه مناسبه. وأحياناً بيكون تفضيل شخصي عند بعض المصميين حتى لو مش محترفين إنهم يرسموا على نفس الشاشه الي باصين عليها. الأسعار بشكل عام في الفئة دي غاليه وبتبدأ من فوق ال 8000 جنيه.

.

.

خامساً (Wacom MobileStudio Pro)

دي الفئة الأخيره والأعلى من أجهزة واكوم الخاصة بالرسم، وفي الفئة دي الأجهزه مبتكونش ملحقه بالكومبيوتر ولكن بتكون كومبيوتر كامل مستقل بيشتغل من غير التوصيل بأي جهاز تاني. الأجهزة دي طبعاً موجهة للمصممين المحترفين جداً والي ممكن يكونوا بيتحركوا كتير وبيسافروا كتير وطول الوقت لازم يكونو قريبين من شغلهم وعلى اتصال دائم بيه. اسعارها عالية جداً جداً هي مش متوفره عندنا ولكن ممكن يتم توفيرها عند الطلب المسبق. وتفاصيل الأجهزه كالتالي:-

.

المواصفات التفصيليه للموديلات دي موضحة في الجدول التالي:-

.

.

.

.

.